Tronditet kombëtarja zviceriane, ylli shqiptar lë stërvitjen

Xherdan Shaqiri do të jetë mungesa e madhe për kombëtaren e Zvicrës, në dy takimet kualifikuese të Euro2020 ndaj Gjeorgjisë dhe Danimarkës. Ylli i Liverpool ka pësuar një tërheqje muskulare, duke lënë kështu grumbullimin e Helvetëve.

Shaqiri po kalon një moment fantastik me skuadrën kryesuese të Premier League, Liverpool, ku ka arritur të realizojë 6 herë. Ndërkohë, dëmtimi i tij pritet të mos i kushtojë shtrenjtë 27 vjeçarit, i cili pritet të jetë i gatshëm për takimin e fundjavës së ardhshme të “The Reds” përballë Tottenham Hotspur.