Trump akuzon ashpër LeBron James: Po bën të duket inteligjent!

Presidenti i Amerikës, Donald Trump, ka sulmuar basketbollistin LeBron James.  Kreu i Shtëpisë së Bardhë, përmes një mesazhi në “Twitter” tha: “LeBron James sapo u intervistua nga njeriu më idiot që ekziston në televizionin amerikan, Don Lemin. Arriti ta bëjë LeBron një njeri inteligjent dhe nuk është një gjë e lehtë. Mua më pëlqen më shumë Mike (Michael Jordan)”, thuhet në mesazhin e Trump.

LeBron James në intervistën për televizionin CNN, akuzoi sërish kreun e Amerikës se shfrytëzoi sportin për të përçarë amerikanët në bazë të ngjyrës së lëkurës, duke qenë racist.

“Unë mendoj se Presidenti ynë po përpiqet të na ndajë, këtë gjë nuk arrij ta kuptoj, pasi falë sportit një i bardhë arrin të punopjë në krah një njeriu me ngjyrë”, tha LeBron.

Lebron James was just interviewed by the dumbest man on television, Don Lemon. He made Lebron look smart, which isn’t easy to do. I like Mike!

— Donald J. Trump (@realDonaldTrump) August 4, 2018