U infektua me koronavirus, Behrami reagon: Isha i trembur!

Futbollisti i Genova-s, Valon Berhami pak ditë më parë doli pozitiv me koronavirus, dhe tani gjithçka ka kaluar për të dhe familjen e tij. Në një intervistë për “Sky Sport” ai tregon momentet e vështira.

“Ne nuk mund të ndihemi fajtorë për infektimin me virus, pasi puna jonë përfshin kontaktin me sportin dhe udhëtimet, kështu që mund të ndodhë me këdo. Ishin ditë të vështira dhe ndërsa unë isha mësuar që fizikisht duhej të kthehesha në rrugën e duhur pas një dëmtimi, mendërisht kjo ishte një përvojë krejt tjetër.

Isha i trembur. Ekziston frika për të mos infektuar të njerëzit e dashur, sepse të jesh futbollist në atë moment nuk është shqetësimi yt i parë”, deklaroi Behrami. Kujtojmë që Genoa do të zbresë nesër në mbrëmje në fushë për të luajtur kundër Verona-s.