Uanda Nara sulmon Spaletin: Pse e hoqe Ikardin?

Një ditë pas humbjes 2-3 me përmbysje ndaj Juventusit në “San Siro”, në shtëpinë e Interit vazhdojnë të ndiejnë një dëshpërim të thellë, për disfatën.

Spaletti është kryqëzuar për ndërrimin e Ikardit me mbrojtësin Santon, që në dy rastet e golave nuk arriti ta mbulonte kundërshtarin. Uanda Nara, bashkëshortja dhe njëkohësisht menaxherja e Mauro Ickardit, nuk i ka kursyer kritikat për trajnerin zikaltër, duke ripostuar në Tuitter mesazhin e gazetarit argjentinas, Andres Agula.

“Fitore e pabesueshme e Juventusit kundër Interit në Milano me rezultatin 2-3. Pse trajneri vendosi ta hiqte nga fusha Ikardin 5 minuta para fundit? Për lojën që zhvillon dhe praninë e tij në fushë Mauro është një futbollist kyç. Sapo doli ai, Juventusi realizoi dy gola në dy minuta”.