Ultrasit e Hajdukut sulmojnë lojtarët, mes tyre dhe mbrojtësi i kombëtares sonë

Episodet e dhunës vijojnë të tronditin futbollin kroat. Rasti i fundit ka ndodhur në ndeshjen Hajduk Split-Dinamo Zagreb 1-2. Tifozët vendaskanë sulmuar futbollistët e skuadrës së vet, mes tyre edhe mbrojtësi i Kombëtares, Hysen Memolla, pas takimit kundër Dinamos.

Lojtarët e Hajduk Split janë goditur nga tifozët e tyre në rrugët e qytetit. Pesë tifozë të Hajdukut, fillimisht sulmuan verbalisht lojtarin Said Ahmed, i cili nuk bëri një paraqitje të mirë kundër Dinamos së Zagrebit.

Më pas, ultrasit e irrituar përdorën edhe duart duke goditur lojtarin e Hajduk. Për të mbrojtur shokun e skuadrës ndërhyri Marko Futacs, i cili mori disa goditje në kokë me shkelma nga ultrasit. Gjatë përleshjes ishte edhe Hysen Memolla, Hamza Barry e Savvas Gentsoglou.

Ngjarja po hetohet nga policia kroate, pasi klubi i Hajdukut ka kërkuar që të ndëshkohen të gjithë agresorët për dhunën e ushruar.