Useini zyrtarizon “divorcin” me Flamurtarin: Nuk ju harroj …

Muhamed Useini nuk e harron kollaj Flamurtarin. I larguar zyrtarisht nga vlonjatët vetëm një ditë më parë për shkak të rrogave të prapambetura, mesfushori 30-vjeçar me një postim në profilin e tij zyrtar në Facebook, ka thënë fjalët më të mira për aventurën në Vlorë.

“Dëshiroj të ju falënderoj për të gjithë dashurinë, mbështetjen që kam pasur dhe që e kam. Nuk do t’i harroj kurrë disa momente dhe ndeshje speciale. Do të më mungojë Flamurtari F.C dhe Vlora. Ju uroj shumë suksese në vazhdimësi dhe besoj të shkoj Flamurtari aty ku e ka vendin. Do ngelem tifozi me i zjarrtë i skuadrës. Me respekt M.U22”, përfundon mesfushori postimin e tij.