Vandalizohet pista e kërcimit së gjati në Tiranë, reagon Ismajlaj: Ti Bona rri e qetë … (VIDEO)

Atleti i njohur Izmir Smajlaj sot është përballur me një surprizë aspak të këndshme në kryeqytet. Kampioni i kërcimit për së gjati në vendin tonë ka parë se pista në të cilën stërvitet është vandalizuar me bojëra. Përmes një postimi në rrjetet sociale i revoltuar ai tregon pistën e prishur ndërsa ironizon atë që ka bërë këtë akt të shëmtuar.

“I zhgënjyer! Të zgjohesh me kënaqësinë sepse tashmë Tirana ka një pistë profesionale për kërcimin së gjati, e të shohësh që është shkatërruar me këto mbishkrime injorantesh, është fatkeqësi! Më vjen keq që vazhdojnë ende të tilla vandalizma, por ti “Bona” qëndro e qetë, do të gjendet fansi yt dhe do përballet me organet kompetente, se të tilla idiotësi nuk ecin para”, shkruan Smajlaj.