Varane bën gati “valixhet” për Realin në fund të sezonit

Raphael Varane me shumë mundësi do të largohet nga Real Madrid në fund të këtij sezoni. Kështu shkruan e përditshmja franceze “L’Equipe”, sipas të cilës mbrojtësi kampion bote me “Gjelat” për kërkon sfida të reja, edhe pse në pankinën e klubit mbretëror është kthyer Zinedine Zidane.

Në fillim të sezoni të kaluar Varane rinovoi kontratën deri në qershor të vitit 2022, por situata e krijuar së fundmi me daljen nga lufta për trofe në të gjitha kompeticionet ka ndikuar në anën psikologjike të lojtarit.

Klubi që dëshiron shërbimet e 25-vjeçarit duhet të arrijë një marrëveshje me Realin, ose të paguajë klauzolën e largimit 200 milionë euro, një shifër kjo e pajustifikueshme për një mbrojtës.