Vazkez elozhe për yllin e Bajernit: Është si një 25-vjeçar!

Lukas Vazkez ishte një nga më të mirët në fushën e lojës në fitoren e Realit në Mynih ndaj Bajernit. Ai dha asistin për golin e dytë dhe u shndërrua në mbrojtës kur Karvahal u dëmtua.  Ai vlerëson Riberinë si një nga lojtarët më të mirë në botë edhe pse tashmë është 35 vjeç.

“Ishte një kundërsulm shumë i bukur. I bëra presion Rafinjës dhe ai e humbi topin. Asensio e mbylli aksionin shumë bukur. Ai është një kampion i lindur dhe jam shumë i lumtur për golin që shënoi. Pozicioni? Unë bëj gjithmonë maksimumin në fushën e lojës dhe dua të ndihmoj shokët e skuadrës.

Me ndihmën e tyre gjërat bëhen më të lehta. Riberi është një lojtar i madh dhe duket sikur është 25-vjeçar. Është i shpejtë, por unë doja thjesht të ndihmoja skuadrën”, tha Vazkez pas ndeshjes