Vidal lë me “gisht në gojë” Interin, niset drejt Barcelonës

Arturo Vidal mund të quhet futbollisti më i ri i Barcelonës. Sipas gazetës katalanase, “Sport”, kiliani tashmë ka lënë qendrën stërvitore në Bavari, për të filluar aventurën e re me atë blaugrana. Lojtari do të nënshkruajë një kontratë 3-vjeçare prej 9 milionë eurosh në vit. Marrëveshja mes dy klubeve është arritur, dhe transferimi do të bëhet zyrtar në orët e ardhshme. Për ish-juventinin, blaugranët do të paguajnë 20 milionë euro.

Vidal është blerja e katërt e Barcelonës pas Arthur, Lenglet dhe Malcolm. Mesfushori ishte shumë pranë një rikthimi në Seria A tek Interi, por zikaltërit u parakaluan nga katalanasit që mbyllën shumë shpejt transferimin, ashtu siç bën edhe me Malcolm. /Koha Jonë/