Vjen edhe reagimi i Presidentit turk, Erdogan për largimin e Ozil nga Gjermania

Mesut Ozil ka bërë një largim të bujshëm nga Gjermania dhe duket se me këtë çështje kanë ardhur mjaft reagime.

Tani largimi i tij i ka kaluar kufijtë futbollistikë duke u kthyer në një çështje diplomatike.

Reagim më i fundit vjen nga presidenti turk, Rexhep Taip Erdogan i cili shprehet se vendimi i Ozil ka qenë i drejtë.

“Në Europë ekziston një krizë, që ka arritur në një pikë në të cilën hyhet në konflikt me vlera universal. Kjo na bën të mos ndihemi rehat. Fatkeqësisht, shohim se liritë dhe të drejtat humane në Europë janë zbehur dhe se ka një theksim të racizmit dhe të diskriminimit. Vendimi i Ozil na duket i drejtë”, deklaroi zëdhënësi i qeverisë turke.