Vllaznia mund me “poker” Luftëtarin, Laçi rikthen me “këmbë në tokë” Flamurtarin

Mesditën e sotme janë luajtur dy ndeshje të tjera për javën e 23-të në Kategorinë Superiore. Laçi ka fituar me lehtësi 3-1 ndaj Flamurtarit në transfertë, ndërkohë që Vllaznia mposhti 4-0 Luftëtarin.

Në Vlorë, skuadra kurbinase do të gjente dy herë rrugën e rrjetës në harkun e tri minutave. Nwabueze dhe Xhixha do të shënonin për kurbinasit, ndërkohë që në fillimin e pjesës së dytë Turkaj u ndëshkua me karton të kuq. Gjithsesi 5 minuta më pas Xixha shënoi edhe golin e tretë. Ribaj realizoi për Flamurtarin golin e nderit.

Vllaznia nuk hasi aspak probleme kundër Luftëtarit. Sidorenco zhbllokoi ndeshjen në minutën e 15-të. Në 20 minutat e fundit, kuqeblutë do të përfitonin nga shthurja e gjirokastriteve për të shënuar tri gola. Silvio dërgoi topin dy herë në rrjetë, ndërkohë që Kukaj e dërgoi topin në rrjetën e portës së tij. /R.Lika-Koha Jone/