Vrsaljko i jep fund me Interin, pritët që të operohet dhe rikthehet tek Atletico

Sime Vrsaljkos nuk do të jetë më pjesë e Interit. I transferuar gjatë verës te zikaltrit në formë huazimi për 6,5 milionë euro me të drejtë blerjeje për 17.5 milionë euro në fund të këtij sezoni, kroati i cili pritej të zëvendësonte Joao Cancelon në krahun e djathtë të mbrojtjes nuk i përmbushi aspak pritshmëritë e drejtuesve të Interit.

Javën e ardhshme Vrsaljko do të operohet në Anversa të Belgjikës dhe për rikthimin e tij në fushë do të nevojiten disa muaj. I aktivizuar në vetëm 13 ndeshje me Interin për një total prej 912 minutash dhe i zëvendësuar në merkaton e janarit nga portugezi Cedric Soares, Vrsaljko do të rikthehet tashmë te Atletico e Madridit, klubi që zotëron kartonin e kroatit, sepse për zikaltrit 17,5 milionë për blerjen përfundimtare të tij janë shumë.

Interi në janar mori Soares, ndërkohë që nuk dihet nëse edhe ky i fundit do të konfirmohet edhe për në verë.