Xavi kërkon të transferojë sulmuesin francez te Barcelona

Marcus Thuram është një nga futbollistët më të përfolur në merkato, Sulmuesi i kombëtares franceze po luan sezonin e fundit me M’Gladbach. Kontrata i përfundon në verë dhe 25-vjeçari i lindur në Parma do të largohet me parametra zero.

Shumë klube të njohura europiane kanë shprehur interesimin e tyre për Thuram. Pas Chelsea e kërkon edhe Barcelona. Trajneri Xavi pëlqen shumë karakteristikat e tij, sidomos faktin që mund të luajë në çdo pozicion të repartit ofensiv.

Drejtuesit e klubit katalanas kanë nisur bisedimet me agjentin e sulmuesit dhe së shpejti do t’i paraqesin një ofertë zyrtare për të gjetur një akord të mundshëm me të.