Zbulohet kalendari i Shqipërisë në Ligën e Kombeve, e nisim ndaj Bjellorusisë

Sporti E Mërkurë, 4 Mars 2020 11:57

Ditën e djeshme u hodh shorti i edicionit të dytë të Ligës së Kombeve, teksa Shqipëria gjendet në grupin 4 D të Ligës C së bashku me përfaqësuese të tilla si Bjellorusia, Lituania dhe Kazakistani, Federata Shqiptare e Futbollit ka zbuluar edhe kalendarin e kuqezinjve.

Ndeshjen e parë Shqipëria do ta luajë në transfertë ndaj Bjellorusisë në 4 shtator, më pas do të presë Lituaninë në shtëpi në datë 7 të po atij muaji. Në tetor skuadra e Edi Rejas do të ketë dy transferta ndaj Kazakistanit dhe Lituanisë, ndërsa do të mbyllë gjithçka në nëntor me dy ndeshjet brenda ndaj Kazakistanit dhe Bjellorusisë.