Xherard nuk ka asnjë dyshim: Salah është lojtari më i mirë në botë! (VIDEO)

Legjenda e Liverpulit, Stiven Xherard, mendon se Mohamed Salah është lojtari më i mirë në për momentin. Salah dhuroi spektakël mbrëmjen e së martën, duke udhëhequr skuadrën e Jurgen Klop drejt një fitoreje 5-2 ndaj Romës, në ndeshjen e parë gjysmëfinale të Ligës së Kampionëve.

Egjiptiani ndërkombëtar shënoi vetë dy gola, si dhe asistoi golat e Sadio Mane dhe Roberto Firmino. Xherard beson se Salah, është më i mirë dhe se Mesi e Ronaldo.

“Ai është në formën e jetës së tij. Është e vështirë ta krahasoni atë me Ronaldon dhe Messin, sepse ata kanë bërë më të mirën për një kohë të gjatë dhe kanë qenë të qëndrueshëm nga vit në vit. Por, pa hije dyshimi, Salah është lojtari më i mirë në planet, tani për tani”, tha ish-kapiteni i “Reds” për “BT Sport”.