Zhgënjeu në Kupën e Botës, City i ofron rinovimit yllit të sulmit

Gabriel Jesus zhvilloi një Kupë Bote shumë të dobët, por kjo nuk ka ndryshuar mendimin e Pep Guardiolës për të. Pikërisht për këtë arsye, “qytetarët” i ofruan brazilianit zgjatjen e kontratës edhe për 5 vitet e ardhshme, deri në verën e vitit 2023.

Me kontratën e re, janë përmirësuar ndjeshëm edhe termat ekonomikë të pagës së futbollistit, që iu bashkua Cityt vetëm në janarin e 2017-ës. Që prej asaj kohe, Jesus ka luajtur 39 takime me skuadrën e Guardiolës dhe ka arritur të shënojë 20 gola.