Zidane nervozohet: Nuk e kuptoj për çfarë vjedhje flisni (VIDEO)

Trajneri i realit të Madridit, Zinedine Zidane, ka reaguar në lidhje me lajmet e shumta në mediat iberike se madrilenët i vodhën një penallti Juventusit. Francezi shfaqet gjithmonë i qetë dhe i gatshëm për t’iu përgjigjur pyetjeve,por  këtë herë ai ka shpërthyer ndaj akuzave për vjedhje ndaj Juventusit.

“Po për çfarë vjedhjeje flitet. Të gjithë e panë se penalltia ishte shumë e pastër, një ndërhyrje nga mbrapa, që na hoqi mundësinë e golit. Është normale që edhe ne të vuajmë në ndonjë ndeshje, por kualifikimin e merituam plotësisht dhe nuk vodhëm asgjë. E vërteta është se suksesi ynë i djeg shumë skuadrave të tjera, që bashkohen në llumin e akuzave për vjedhje”, deklaroi Zidane.

Reali siguroi një vend në gjysmëfinalet e Champions League, duke e siguruar me një penallti në minutat shtesë.