Zvenitet ëndrra Modric tek Interi, Reali përgjigjet: Nuk e shesim për asnjë çmim!

Interi shtoi shpresat se mund të bënte ëndrrën realitet në orët e fundit për Luka Modric, por mesa duket ajo do të mbetet e tillë. Pas fjalëve të presidentit të Real Madrid, Florentino Perez, që deklaroi se lojtari nuk lëviz nëse dikush nuk paguan 750 milionë euro, sot ka ardhur edhe konfirmimi nga e përditshmja spanjolle “Marca”, sipas së cilës drejtuesit e Real nuk heqin dorë nga lojtari.

“Nuk do të pranojmë asnjë ofertë për Modric, por konfirmojmë edhe se nuk jemi duke kërkuar ndonjë zëvendësues të kroatit. Ai nuk ka zëvendësues, është i vetëm, ndaj mbetet i pashitshëm për ne. Çdo ofertë për Modric do të refuzohet”, shkruan “Marca” sipas disa burimeve nga klubi.