ZYRTARE/ Bekim Balaj rikthehet te skuadra e Vllaznisë

Bekim Balaj është lojtari më i ri i Vllaznisë. Kuqeblutë fituan duelin me Tiranën për shërbimet e sulmuesit 32-vjeçar të Kombëtares Shqiptare për ta rikthyer “Loro Boriçi”.

Lajmin e bëri të ditur vetë klubi i futbollit Vllaznia, që njoftoi se palët kanë arritur marrëveshjen për të firmosur një kontratë 3-vjeçare, teksa Balaj ka pozuar edhe me fanellën kuqeblu, të cilën e vesh sërish pas plot 12 vitesh e gjysmë, që kur u largua në verën e 2010-ës.

Sulmuesi 32-vjeçar është rritur te Vllaznia, por ka luajtur vetëm një sezon me kuqeblutë, në periudhën 2009-2010, kur edhe ka shënuar 17 gola në 38 ndeshje.