ZYRTARE/ Igli Tare transferon te Lazio mbrojtësin e talentuar shqiptar

Igli Tare vijon të jetë një trampolinë e rëndësishme për futbollistët shqiptarë në Itali. Drejtori sportiv i bardhekaltërve ka afruar një tjetër bashkombas të tij në ekipin e të rinjve të Lazios, Angelo Ndreçka.

17-vjeçari luajti sezonin e shkuar për moshat e Chievos, por paraqitjet e mira i dhanë mundësinë të kalojë te skuadra A, ku u grumbullua në 7 ndeshje dhe luajti njërën nga to titullar për 90 minuta.

Ndreçka shihet si një mbrojtës me të ardhme dhe jo më kot Tare i ka besuar. Ditën e sotme erdhi edhe transferimi zyrtar nga skuadra e Chievos.