ZYRTARE/ Xherdan Shaqiri firmos me skuadrën e Liverpoolit (FOTO LAJM)

Xherdan Shaqiri është zyrtarisht lojtar i Liverpoolit, pasi ka kaluar nga Stoke City. Futbollisti me origjinë shqiptare ka kompletuar pak minuta më parë transferimin te te kuqtë, teksa do të mbajë fanellën me numër 23.

Ky do të jetë klubi i 5-të në karrierë për 26-vjeçarin, pas eksperiencave me Basel, Bayern Munich, Inter dhe Stoke City. Pikërisht eksperienca e tij e pasur ka qenë dhe një nga arsyet kryesore që gjermani Jurgen Klopp e ka dashur mesfushorin patjetër në ekipin e tij.

Shaqiri pritet të bëjë debutimin me Liverpool në turneun që 18 herë kampionët e Anglisë do të zhvillojnë gjatë verës në Amerikë. Mbase ai do të jetë një ogur i mirë që të Kuqtë të fitojnë titullin pas gati 30 vitesh.