Zyrtarizoi largimin nga Arsenali, zbulohet plani “sekret” i Venger

Arsen Venger pak ditë më parë zyrtarizoi largimin e tij nga Arsenali në fund të këtij sezoni. Në ditët e fundit është përfolur se trajneri 68-vjeçar do të jetë trajneri i ardhshëm i skuadrës së PSG, por duket se Venger ka të tjera plane.

E përditshmja britanike “Daily Star” bën me dije sot se objektivi sekret i trajnerit Arsene Venger është të drejtojë kombëtaren franceze. Për të bërë realitet këtë gjë, trajneri është gati të refuzojë edhe një ofertë ëndrrash që i bën PSG-ja.

Kombëtarja e “gjelave” aktualisht drejtohet nga Didier Deshamp. Gjithçka për sa i përket kalimit të trajnerit 68-vjeçar te stoli i “gjelave” do të varet nga paraqitja që Franca do të bëjë në botëror, nëse do të arrijë të shkojë larg apo jo. Ai pritet që të firmosë në muajin korrik.