Ukraina nuk është e vetme më në kërkesën e saj ndaj Perëndimit për krijimin e një zone të ndalim-fluturimit mbi territorin e saj, ndërsa agresioni rus është në ditën e 23-të.
Pas Estonisë dhe Lituanisë, edhe parlamenti i Letonisë ka kërkuar krijimin e një zone të ndalim-fluturimit mbi Ukrainë. Parlamenti i bëri thirrje Kombeve të Bashkuara që të ndërmarrin hapat e duhur për të mbrojtur jetët e njerëzve.
Në të njëjtën kohë, ligjvënësit nga vendi baltik i BE-së dhe NATO-s kërkuan që të merren masa sa më shpejt të jetë e mundur për të siguruar korridore të sigurta humanitare në territorin ukrainas.
