Ushtarët e Forcave Paqeruajtëse të Bashkimit Europian (EUFOR) zhvilluan këtë të premte një stërvitje, e cila synon t’i përgatisë ata në përballimin e protestave të mëdha dhe të dhunshme.
Personat që luanin rolin e protestuesve mbanin në duar pankarta me mbishkrimin “Ne nuk e duam Bosnjën”, të ngjashme me pankartat e përdorura në protestat e fundit nga serbët e Bosnjës. “Përgjigje e Shpejtë 2023” ishte një stërvitje që zhvillohet çdo vit nga EUFOR, ndërsa këtë vit pati një rritje të trupave nga 1100 në 1300.
Në Bosnje tensionet vijojnë të jenë të larta edhe pas 28 vjetësh nga përfundimi i luftës 1992-1995, në të cilën u vranë rreth 100 mijë persona, e miliona të tjerë u shpërngulën nga shtëpitë e tyre.
