Sirenat ranë sërish këtë të hënë në Jeruzalem, Tel Aviv, në zonën e Rishon-it dhe në qytete të tjera të Izraelit. Sirenat paralajmërojnë ardhjen e raketave nga Rripi i Gazës
Brigada Al Qassam njoftoi më pas se sulmi u bë “sepse Izraeli po qëllon civilët.” Si pasojë e raketave, u ndërpre edhe sesioni i sotëm i Knesset-it, parlamenti izraelit me një dhomë. Me nisjen e sirenave, deputetët nxituan drejt vendstrehimeve ndaj sulmeve ajrore.
Forcat Izraelite të Mbrojtjes bënë të ditur se ndaj trupave ushtarake u hap zjarr pranë kufirit me Libanin. Zjarri u kthye me zjarr ndërsa, për dëme nuk ka raportime.
