Çmenduritë për rrjetin social TikTok nuk kanë të sosur në vendin tonë. Një 20-vjeçar në Korçë është dënuar me një gjobë të majme si edhe me heqjen e lejes së drejtimit pas kryerjes së manovrave të rrezikshme me automjetin tij në një zonë të banuar. Pas publikimit të pamjeve në rrjetet sociale autoritetet identifikuan 20-vjeçarin M.M, banues në Pogradec, i cili ka hipur mbi kabinën e automjetit, ka kryer manovra të rrezikshme dhe ka penguar qarkullimin, në zonë të banuar, ndërkohë që manovrat me timonin i ka kryer pasagjeri.
