Në seancën e sotme plenare ku u votua projektligji për rritjen e pagave, nënkryetares dhe drejtueses së seancës, Ermonela Felaj i ka shpëtuar një shprehje e papërshtatshme. E pavetëdijshme që mikrofoni i saj ishte ndezur, Felaj dëgjohet të thotë shprehjen ndërsa në duar kishte një sërë letrash që po u hidhte një sy të shpejtë. Incidenti ndodhi teksa në Parlament vijohej me votimin e projektligjit për pagat dhe pikat e tjera të rendit të ditës.
