Shpati Lena dhe Hakim Xhezo, kanë qenë në vëzhgim për disa kohë dhe gjatë kësaj periudhe janë siguruar edhe mjetet për vrasjen e tyre. Verifikimet treguan se makina tip “BMW” e gjetur e djegur pas atentatit është grabitur javë më parë në zonën e Shijaku.
Nga rindërtimi i skenës së ngjarjes, besohet se gjithçka ka ndodhur shumë shpejt. Makina e autorëve i ka ndjekur nga pas dhe jo më shumë se 100 metra pa shkuar te mbikalimi Panajasë, i kanë hyrë në parakalim dhe kanë nisur të qëllojnë.
Të shtënat anësore kanë zgjatur pak metra dhe më pas janë përqëndruar në xhamin e parë të makinës së viktimave deri sa ajo përfundon në kanal.
