Tendenca e viteve të fundit nga shqiptarët është që festat e fundvitit ti kalojnë në restorante. Kreu i shoqatës së Restoranteve dhe Bujtinave Shqiptare, Kujtim Dervishi thekson se në prag të muajit Dhjetor, kanë nisur edhe prenotimet për fundvit, ndërsa pritet dhe një fluks emigrantësh.
Sa do të kushtojë mesatarisht menuja e festave në restorante në prag të ndërrimit të viteve? Ai thotë se paketa për një person fillon nga 60 euro e lart, duke marrë parasysh që çmimet e produkteve janë rritur, por edhe kostoja e muzikës.
Risi gjatë këtij viti kanë qenë edhe festat e Nëntorit, ku për shkak të organizimeve në Shqipëri ka pasur një fluks të shtuar vizitorësh nga diaspora duke i dhënë një impuls të mëtejshëm konsumit në restorante e bujtina.
