Pas takimeve dhe zhvillimeve të shumë konsultimeve, presidenti Bajram Begaj, pritet që të dekretojë datën e zgjedhjeve lokale 2023, kjo brenda të enjtes së 27 tetorit.
Kodi zgjedhor parashikon se Presidenti e dekreton datën e zgjedhjeve jo më vonë se 9 muaj nga mbarimi i mandatit, çka përkon me fundin e muajit tetor. Përfundimi i mandatit të kryebashkiakëve në detyre është 27 korriku, datë kur KQZ 4 vite me parë, shpalli zyrtarisht rezultatin e vendoreve të 2019.
Begaj duhet të dekretojë një datë mes 15 prillit dhe 15 majit, por në tryezën e tij nga partitë politike është hedhur si propozim data 14 maj.
