Tashmë nuk ka më asnjë dyshim. Nico Barella do të vijojë që të jetë pjesë e Interit edhe për disa vite të tjera, të paktën kështu ka nënshkruar në kontratë. Lajmin e ka bërë të ditur vetë klubi në faqen zyrtare në Tëitter.
Barella do të vazhdojë të jetë pjesë e klubit zikaltër edhe për 5 vite të tjera, sepse mesfushori ka rinovuar kontratën me Interin deri në vitin 2026.
Mesfushori që ka shkëlqyer në dy vitet e fundit do të përfitojë 4.5 milionë euro në sezon, ndërkohë që për momentin merrte vetëm 2.4 milionë euro. Zikaltrit i druheshin ndonjë oferte nga ndonjë klub i madh, ndaj nxituan për ta blinduar.
