Champions League mbylli mbrëmjen e djeshme fazën e grupeve, ndërsa u zbuluan të gjitha skuadrat që kaluan në raundin e 1/8-ave.
Arsenal, PSV, Bayern Munich, Copenhagen, Real Sociedad, Inter, Real Madrid, Napoli, Manchester City, RB Leipzig, Barcelona, Atletico Madrid, Lazio dhe Dortmund kishin siguruar kualifikimin, ndërkohë që u mësuan dhe dy skuadrat e fundit.
Pas fitores 5-3 ndaj Shakhtar, Porto iu bashkua ekipeve që do të konkurrojnë në fazën e 1/8-ave, ndërsa Paris Saint-Germain i mjaftoi barazimin 1-1 me Dortmund për të siguruar raundin e ardhshëm dhe për të nxjerrë Milan-n dhe Neëcastle jashtë Championsit.
Shorti për fazën me eliminim direkt do të hidhet ditën e hënë në orën 12:00, ku ekipet e renditura të parat në grup do të përballen me vendet e dyta.
Fituesit e grupeve:
- Manchester City
- Bayern Munich
- Arsenal
- Real Sociedad
- Real Madrid
- Atletico Madrid
- Borussia Dortmund
- Barcelona
Vendet e dyta:
- RB Leipzig
- PSV Eindhoven
- FC Copenhagen
- Napoli
- Inter Milan
- Porto
- Paris Saint-Germain
- Lazio
