Zyrtari i lartë amerikan, Philip Reeker, zhvilloi vetëm dy takime në Tiranë. Në mëngjes u takua me kryeministrin Edi Rama dhe në drekë me kreun e rivotuar të PD-së, Lulzim Basha. Në këto dy takime ishte e pranishme edhe ambasadorja e SHBA-së në Tiranë, Yuri Kim.
“Ambicie, respekt, punë në ekip”, shkruante në çantën që mbante në dorë Kim. Edhe në veshjen e ambasadores nuk mungonin aksesorët, ku edhe aty kishte një mesazh.
Trëndafili i bardhë në anën e djathtë të xhaketës, nënkupton paqen që duhet të krijohet mes partive politike në vend. Pas takimit ata janë shfaqur të buzëqeshur ndërsa kanë ecur në drejtim të daljes së selisë blu.
