Presidenti i Turqisë, Rexhep Tajip Erdogan vendosi sot një kurorë në memorialin e viktimave të grushtit të dështuar të shtetit më 15 korrik të 2016. Atë natë një fraksion rebel i ushtrisë u përpoq të merrte kontrollin e vendit, duke përdorur avionë e tanke për të marrë ndërtesat qeveritare.
Rreth 250 njerëz u vranë, duke përfshirë të paktën 24 komplotistë. Rreth 2,000 të tjerë u plagosën në kaosin që pasoi, kur Erdogan kerkoi të dalin në rrugë mbështetësit e tij, të cilët iu përgjigjën thirrjes duke neutralizuar komplotistet.
Pasojat e grushtit të shtetit ndjehen kudo në Turqi. Fushata e shtypjes dhe përndjekjes së anëtarëve të puçit ka shtuar besimin te presidenti dhe konsoliduar më tej pushtetin e Erdogan që prej ardhjes në pushtet në 2003.
