Ka shkuar në dy numri i viktimave nga aksidenti që ndodhi mbrëmjen e djeshme në Durrës, ku një mjet përplasi motorin ku udhëtonin dy të mitur.
Pas 15-vjeçarit që ndërroi jetë në vendin e ngjarjes, ka vdekur në spitalin e Durrësit 13-vjeçari, që drejtonte mjetin, gjendja e të cilit ishte mjaft e rëndë prej mbrëmjes së djeshme.
Mjekët e kanë pasur të pamundur që të shpëtonin jetën e 13-vjeçarit.
Policia ka ndaluar drejtuesin e mjetit me inicialet Xh. M, dhe e ka marrë në pyetje në lidhjet me rrethanat që ka ndodhur aksidenti.
Paraprakisht shkak i aksidentit dyshohet se ka qenë errësira në rrugë, ndërkohë që të miturit udhëtonin me një motor të modifikuar.
