Aksidenti i bujshëm pranë Kryeministrisë, nuk është i pari që rrezikon jetën e qytetarëve. Për ekspertin Mamir Hodo, vdekshmëria nga aksidentet rrugore ka njohur rritje dhe për këtë ka disa faktorë.
I riu që shkaktoi aksidentin ka lindur në Larisa të Greqisë, me origjinë nga Korça dhe banues në Tiranë. Jorgaq Thëngjilli u arrestua pak orë pas aksidentit për veprën penale “shkelja e rregullave të qarkullimit rrugor”.
Kjo nuk ishte hera e parë që ai ndëshkohej nga Policia Rrugore. Në emrin e tij figurojnë 20 gjoba, të cilat ai i ka paguar rregullisht, por që nuk e ndaluan të kryente një tjetër ngjarje rrugore.
