“Na doli situata nga duart…”
Kështu kanë deklaruar 3 të rinjtë fajtorë për ngjarjen horror në Mallakastër.
Të rinjtë, njëri prej tyre, nip në shtëpinë ku do të vidhte, hynë me qëllimin për të grabitur.
Sipas informacioneve të deritanishme mësohet se autorët e kësaj ngjarje janë L. Saliaj, S. Shehaj të dy 16 vjeç dhe Ervis Zotaj 26 vjeç.
Por janë pikasur nga zonja e shtëpisë e cila është dhunuar nga hajdutët, lidhur me litar dhe është hedhur në rezervuar duke ndërruar jetë.
Policia bën me dije se 50 vjeçarja Drita Saliaj u grabit dhe është vrarë nga nipi I burrit të saj dhe 2 shokët e tij.
Mësohet se në komisariat, tre të rinjtë kanë pranuar krimin horror duke deklaruar se u doli situate nga duart pasi në shtëpi kishin hyrë vetëm për paratë.
NJOFTIMI I PLOTË:
Policia zbardh në kohë rekord ngjarjen e ndodhur në datë 05.01.2020 në fshatin Gjerbës. Arrestohen 3 shtetas të dyshuar si autorë të vrasjes së 50 vjeçares Në orët e para të mëngjesit të sotëm, në Komisariatin e Policisë Mallakastër janë paraqitur familjarët e shtetases D. S, 50 vjeçe, të cilët denoncojnë largimin nga banesa të 50-vjeçares.
Pas marrjes së denoncimit, shërbimet e Komisariatit të Policisë Mallakastër në bashkëpunim me strukturat policore të Drejtorisë Vendore të Policisë Fier organizuan punën dhe në kohë rekord zbardhën ngjarjen. Pas hetimeve të kryera rezultoi se nipi i shtetases së humbur( djali i vëllait të burrit), në bashkëpunim me 2 shokë të tij, në datën 05.01.2020 kanë shkuar për të vjedhur në banesën e 50-vjeçares dhe pas rezistencës të hasur nga kjo e fundit, e kanë hedhur në rezervuarin e fshatit Gjerbës.
Në vijim të punës për zbardhjen e plotë të ngjarjes, nga shërbimet e policisë Mallakastër dhe Polumbarët e Repartit Special Renea u gjet në rezervuar trupi i pajetë i shtetases D. S. Specialistët për Hetimin e Krimeve të Rënda në Drejtorinë Vendore të Policisë Fier, arrestuan shtetasit: L. S., 16 vjeç, banues në Gjerbës,.S. Sh., 16 vjeç, banues në Çërrillë, dhe E. Z., 26 vjeç, banues në Gjerbës, Mallakastër. Materialet do i kalojnë Prokurorisë pranë Gjykatës së Shkallës së Parë Vlorë për veprime të mëtejshme.