Kondi braktis mbledhjen e Këshillit Kombëtar të PD: Doja të kontrolloja kuorumin, s’më la Basha!

Një prej anëtarëve të Këshillit Kombëtar të PD-së, Ilir Kondi, ka dalë kundër kësaj mbledhje sot dhe e ka braktisur atë. Ai është shprehur se personalisht ai ishte trajtuar në një mënyrë të paprecedentë vetëm sepse kishte kërkuar që të arrihej kuorumi i nevojshëm.

“Në respekt të atyre demokratëve që më kanë votuar erdha të marr pjesë në këtë takim miting pasi kërkova të vërtetohej kuorumi i nevojshëm gjë e cila nuk u pranua nga Basha. Atmosfera e trajtimit të një anëtari të Këshillit Kombëtar ishte nga më të paprecedentat.

Se kush i lejon vetes të shkelë procedurat në këtë lloj mënyrë unë nuk e kuptoj dot. Unë refuzoj të bëhem pjesë e një takimi miting në këtë seli që është e shenjtë për të gjithë demokratët”, deklaroi Kondi.