Koronavirusi në Shqipëri/ 263 raste të reja dhe dy viktima në 24 orët e fundit

Aktualitet E Diel, 12 Dhjetor 2021 17:50

Në 24 orët e fundit në vendin tonë janë regjistruar 263 raste të reja me koronavirus nga 1,752 testime të kryera. Fatkeqësisht, 2 qytetarë nuk e kanë fituar betejën me koronavirusin gjatë këtyre 24 orëve.

Më konkretisht bëhet fjalë për një qytetar nga Përmeti 58 vjeç dhe një qytetar nga Fieri 73 vjeç. Ministria e Shëndetësisë teksa apelon qytetarët të vaksinohen, njofton se në spitalet COVID po marrin trajtim 159 pacientë, nga të cilët 18 janë në gjendje më të rënduar.

Aktualisht në të gjithë vendin janë 5,406 pacientë aktivë me COVID ndërsa 409 qytetarë janë shëruar gjatë këtyre 24 orëve.

Sa i përket infektimeve, rastet e reja u regjistruan në këto bashki; 111 në Tiranë, 26 në Fier, 16 në Vlorë, 11 në Berat, 10 në Durrës, Korçë, 9 në Elbasan, 6 në Mallakastër, 5 në Kavajë, 4 në Shkodër, Krujë, Dibër, Gjirokastër, 3 në Kurbin, Shijak, Sarandë, Tepelenë, 2 në Tropojë, Lezhë, Kamëz, Patos, Lushnje, Himarë, Dimal, Skrapar, Cërrik, 1 në Vau i Dejës, Malësi e Madhe, Kukës, Mirditë, Vorë, Mat, Rroskovec, Divjakë, Selenicë, Këlcyrë, Memaliaj, Kuçovë, Gramsh.