PS reagon për aleancën Berisha-Meta, Taulant Balla: Urojmë të përputhen

Kryetari i PD-së Sali Berisha dhe kreu i Partisë së Lirisë Ilir Meta, firmosën këtë të enjte, marrëveshjen për zgjedhjet lokale të 14 majit 2023.

Reagimi i parë nga PS-ja, vjen nga Taulant Balla, i cili ka publikuar një video në rrjetin social facebook, ku shfaqet Sali Berisha i cili i thotë Metës se për 700 mijë euro dhe dorëheqjen, duke iu referuar video-përgjimit, ndërsa Meta asokohe kryetar Parlamenti i thotë se dorëheqjen e dha prej Shkëlzenit, sepse Shkëlzeni ishte në videot e Dritan Priftit.

“Ai momenti tek Përputhen kur dy konkurrentët ia nxjerrin njëri-tjetrit të palarat në shesh, edhe pasi janë bashkuar, ndarë, bashkuar shumë herë. Urojmë të përputhen”, shkruan Balla.