Berisha la jashtë garës Salianjin, çfarë ndodhi? Lela e zbulon: Marrëdhënia solide mes tyre u thye nga…

Përplasja mes Sali Berishës dhe Ervin Salianjin çoi që në garën për kreun e partisë, kandidat i vetëm të jetë vetëm lideri historik. Drejtori i zyrës së komunikimit në Partinë Demokratike, Alfred Lela ka rrëfyer se marrëdhënia mes të dyve ka qenë shumë e mirë dhe solide, por se diçka duhet të ketë ndodhur që është thyer tashmë.

“Për zotin Salianji nuk kam çfarë të them më shumë sesa zoti Berisha ka thënë. I ka thënë vazhdimisht, ka përdorur termin i vetëpërjashtuar dhe e ka përligjur, e ka justifikuar dhe i ka thënë pse-të e informacioneve që zoti Berisha i ka.  Zoti Berisha është një nga ata që ka informacione dhe i ka solide.

Berisha, kryesisht në të shumtën e herëve, i dalin informacionet. Duke mos patur dokumentin dhe faktin dhe foton e asaj që thotë Berisha, por kam përvojën e atyre që ka thënë zoti Berisha dhe kanë dalë, e mbani mend, për avionët, kur thoshte Berisha ka avion droge, jo s’ka avion, thoshin ka mushkonja, pastaj rrëzoheshin avionët.

Berisha ka qenë president i këtij vendi, ka qenë kryeministër i këtij vendi dhe ka rrjetin e tij të informimit. S’është dikush i cili e thotë diçka sa për konsumin politik. është një përzgjedhës, seleksionues shumë i kujdesshëm i informacioneve. Marrëdhënia e zotit Berisha me zotin Salianji është ajo që është. Unë prandaj them që nuk dua të diskutoj marrëdhënien e kryetarit të partisë që është Sali Berisha i cili Ervin Salianjit ka shkuar edhe në burg, dhe e ka mbrojtur vazhdimisht edhe kur zoti Berisha nuk ishte kryetar i partisë.

Kishte vetëm zyrën e tij dhe autoritetin moral dhe publik, dhe e ka mbrojtur Ervin Salianjin që në fillim. Kjo më bën pastaj mua prapë, në vija e logjikës, më thotë që diçka ka ndodhur mes zotit Salianji dhe zotit Berisha dhe dikush ka bërë diçka që kjo marrëdhënia solide dhe korrekte e deri pardjeshme të jetë thyer”, tha ai.