Shkatërrohen dyqane e banesa, uji përmbyt qytetin e Lezhës (VIDEO)

Reshjet e shiut kanë përfshirë sërish vendin duke shkaktuar përmbytje dhe dëme të mëdha materiale.

Një ndër qarqet që po rrezikohet është edhe qarku i Lezhës, ku uji ka vërshuar nëpër qytet duke përmbytur dyqane, biznese e banesa.

Mësohet se probleme ka pasur në lagjen “11 Janari” dhe “Besëlidhja”.

Vështirësi janë krijuar edhe për këmbësorët për shkak se uji ka arritur deri në 20 centimetra, duke i bërë rrugët të pakalueshme.