Avokati Spartak Ngjela, thotë se SPAK do kalojë nga e djathta, duke lënë të nënkuptohet se do të ketë arrestime dhe nga opozita.
”Mendoj se SPAK tani do fillojë punën djathtas, sepse Rama nuk mund të arrestohet. SPAK e drejton SHBA. Skema amerikane me SPAK kërkoi dhe kërkon që të shpëtojë Shqipërinë nga krimi i organizuar dhe nga korrupsioni. SPAK deri më tani është marrë me shtresa të ulëta. Për Ahmetajn do shohim votat në Kuvend, nëse mbrohet në Kuvend, kot sa lodhet SPAK”,-tha ai për ”Euronews Albania”.
Prokuroria e Posaçme iu drejtua këtë të hënë Kuvendit me kërkesë për t’i hequr mandatin e deputetit Arben Ahmetajt, kjo me qëllim hapjen rrugë të arrestimit të tij dhe ushtrimit të kontrollit personal dhe të banesës.
