“Dua të falenderoj qytetarët që denoncojnë rastet e prishjes së qetësisë publike dhe të shkeljes të rregullave të qarkullimit nga persona të papërgjegjshëm. Fenomeni i rëndomtë i ecjes me shpejtësi në zona të banuara do të marrë gjithmonë ndëshkim nga forcat e Policisë së Shtetit”, shkruan ministri i Brendshëm Taulant Balla në një postim në rrjetet sociale, ku ka ndarë edhe një video të Policisë së Elbasanit duke shoqëruar një shtetas, për prishje të qetësisë publike dhe shkelje të rregullave të qarkullimit.
