Barcelona ëndërron të rikthejë Lionel Messi në “Camp Nou”, por kjo dëshirë është shumë e vështirë që të realizohet. Prej dy sezonesh Messi luan me PSG, ku ka një rrogë të jashtëzakonshme.
Sipas “El Chriringuito”, sulmuesi argjentinas kërkon 40 milionë euro në sezon, të njëjtën pagë që ka edhe te francezët, ndërsa oferta nga skuadra katalanase është e ulët.
Barcelona ofron deri në 7 milionë euro në sezon, një shumë 5-6 herë më e ulët nga kërkesa e Messi. Nga Arabia Saudite, oferta është shumë me e lartë dhe mw tunduese.
Problemet financiare e juridike që kanë përfshirë skuadrën spanjolle duket se e pengojnë që të ofrojë më shumë. Por edhe kontrata e re, 1-vjeçare me opsion për ta rinovuar me një vit, nuk bind Messin.
