Barcelona nuk ka ndërmend të ndalet në kampionat, teksa sot ka marrë fitoren e pestë radhazi. Skuadra e Xavit fitoi me lehtësi 3-0 ndaj vendit të fundit, Elche dhe tashmë mban përkohësisht kreun me 16 pikë, 1 më shumë se Reali.
Verdu u ndëshkua për miqtë me karton të kuq që në minutën e 14-t, pasi ndali Lewandowskin që po shkonte përballë portierit. Sulmuesi polak do të zhbllokonte rezultatin në minutën e 34-t.
Në të 41-tën, do të ishte Depay që do të shënonte një super gol me një kthesë të bukur në zonë. Në fillimin e pjesës së dytë, Lewandowski shënoi dhe golin e tretë dukë përfituar nga një rrëmujë në zonë. Polaku udhëheq renditjen e golashënuesve me 8 gola në 6 javët e para. /R.Lika-Koha Jonë/