Bayern Munich ka shkatërruar 8-0 Darmstadt-it në “Allianz Arena”, duke zhvilluar një ndeshje fantastike. Sfida nuk nisi mirë për kampionët e Gjermanisë, pasi Kimmich u ndëshkua me karton të kuq në minutën e 4-t dhe la ekipin e tij me 10 lojtarë.
Megjithatë një ndërhyrje e gabuar e Kalus Gjasulës në minutën e 21-të bëri që edhe futbollisti i kombëtares shqiptare të ndëshkohej me karton të kuq, duke bërë që edhe Darmstadt të mbeste më dhjetë lojtarë.
Në minutën e 41-të arbitri Peterson dha një tjetër karton të kuq për skuadrën mike. Në pjesën e dytë ndërkohë do të kishte lum golash. Seria e golave nisi në minutën e 51-të me Kane që zhbllokoi sfidën, teksa pesë minuta më vonë Sane dyfishoi avantazhin e ekipit të tij. Musiala shënoi golin e tretë në minutën e 60-të dhe vetëm katër minuta më pas Sane bëri “poker” për bavarezët.
Goli i pestë i Bayern ishte për t’u vendosur në kornizë, me Harry Kane që shënoi nga gjysmë fusha e ekipit të tij në minutën e 69-të. Në minutën e 71-të ishte Muller shënoi emrin në listën e shënuesve, ndërkohë që pesë minuta më pas Musiala shënoi sërish, duke i dhënë ekipit golin e shtatë. Ky takim u vulos në minutën e 88’ me Harry Kane që realizoi “hat-trick”. Bayern kryeson me 23 pikë, teksa Darmstadt renditet në vend të 14-të me shtatë pikë.
Stop that Harry Kane. pic.twitter.com/CVKDkfGwDS
— Stop That Football (@stopthatfooty) October 28, 2023
