Ka qenë kjo një deklaratë e ministries së Mjedisit, që ka nxitur edhe shumë reagim.
Simonetta Sommaruga ka shkaktuar jo pak polemika në të gjithë vendin. Politikania 62-vjeçare foli në fillim të muajit gjatë një interviste për të përditshmen 20 Minuten.
Teksa shpjegonte se cilat mund të jenë masat që do të marrë qeveria në muajt e ardhshëm për të ulur konsumin me 15% (një plan që po harton Zvicra), Sommaruga sugjeroi “fikjen e kompjuterit kur nuk është e nevojshme, ose fikjen e dritave, ose të bëni dush së bashku”.
Në fakt, nuk është hera e parë që një ide e tillë shfaqet në Zvicër: në vitin 1985, siç raportohet nga Times, Zyra Federale e Energjisë botoi një broshurë që propozonte dushe të kombinuara për të kursyer dhe sloganin: “Më pak humbje dhe kënaqësi të dyfishtë. “. Por këtë herë propozimi nuk u pranua me dëshirë, sidomos nga disa shoqata feministe.
Geraldine Savary, redaktore e revistës së grave Femina, akuzoi qeverinë se donte “të menaxhonte jetën private, deri në detajet më të parëndësishme” dhe sugjeroi, përmes një editoriali, që zviceranët të bënin dashuri çdo mëngjes për t’u ngrohur në mënyrë që të mos e ndizni përsëri ngrohjen për t’u ngrohur, bëni një dush të shpejtë së bashku dhe shkoni në zyrë “krah për krahu, pasi të keni lënë makinën, motoçikletën dhe biçikletën elektrike në garazh”, shkruante ajo me nota ironie.
