Gjatë takimit që pati me ekspertë të ekonomisë, ku u diskutua buxheti 2024, Sali Berisha thotë se Edi Rama është e keqja më e madhe e këtij vendi që pas Enver Hoxhës.
Ai theksoi edhe se nuk ka rrugë tjetër për të shpëtuar ekonominë, përveçse largimit të kësaj të keqe të madhe, që siç tha ai e ka emrin Edi Rama.
”Një gjë duhet ta kemi të qartë, ka një ligj në doktrinën e korrupsionit: po vodhi kryeministri, korrupsioni bëhet sistematik. Bëhet sistem. E ndjekin njëlloj si minjtë e Dino Buzatit mbrapa dhe vjedhin dhe shkatërrojnë vendin dhe shtetin. Punonjësit, vartësit e me radhë. Ky ka sjellë këtë moral, këtë kod. Ndaj dhe largimi i tij është largimi i të keqes më të madhe që ka pasur Shqipëria në histori pas Enver Hoxhës”, tha Berisha.
